شعري مليان شعر منبت والسر رخيص وسهل

بصراحة انا ادين لمنتدى حواء بكثير من الفضل بعد توفيق الله وجاء اليوم الي ارد ولو شي بسيط بذكر تجربة بسيطة نفعت معي ولله الحمد

من فترة صبغت شعري تقريبا ثلاث مرات في فترة متقاربة وبدأ شعري يطيح بشكل خطيررررررر
لدرجة انه سار خفيف وبعض الاماكن في مقدمة الراس اصبحت باينة ومافيها شعر

وبصراحه ما فيني اسوي خلطات حنا او سدر والكلام الطويل لان شغالتي سافرت ونفسي انسدت عن الاهتمامات وابغا شي سريع

المهم بدأت بعد كل ترويش ( وانا اتروش في الاسبوع على شعري تقريبا 3 مرات ) لان شعري دهني
فبعد كل ترويش انشف شعري بالمنشفة وبعدها استخدم امبولات الجنسنج
اكسر وحده واوزعها على فروة الراس

وبعد اسبوعين بدأت المقدمة تكتسي بالشعر وبصراحه ما اتوقعت انها من الامبولات توقعت انه طبيعي انه يطلع بدل الي طاح
وبعد كمان اسبوعين وانا استشور شعري اشوف الشعر القصير الي كنت اشوفه اول طااااااااااااااااااااااااااااا ااااال وفي كل الفروة نابت لدرجة ان الي في المقدمة واقف لانه قصير
وهذي بصراحه اول مرة اشوف في شعري كل هالمنابت وبهذي الطريقة بالرغم من اني معروفة بالخلطات وصاحبة عناااااااااااااااية بالشعر والبشرة لكن عمري ما شفت منابت في شعري بهذي الكثرة
ومنها اصبحت ما استغنى عن هالامبولات بعد كل ترويشة ولا ريحة فيها ولا تزييت بالشعر ولا كأنك حاطتها رهيييييييييييييييييبة والحلاوة انها رخيصة
علبة فيها 12 امبولة ب 35 ريال فقط
يعني 12 ترويشة تكفيك
انا اشتريها من شارع الخزان من محل تجميل اسمه مطرة ندى بالرياض
وعلى فكرة
هذي الامبولات توقف التساقط لاني قبل ما اصبغ كنت استخدمها بقلة وقفت التساقط
والحين باستخدامها بكثرة نبتت شعر بصراحه كثيررررررررررررررررر

فصاحبة الاهتمام باي خلطة كانت اذا استخدمت الامبولات ونبتت شعر وبدأت تعتني بخلطاتها اتوقع حيكون الشعر حكاية لاني الحين بعد ما شفت المنابت بدأت افكر بخلطات اساعد فيها الشعر بزيادة انه يتغذى ويكثف
والحمدلله اولا واخيرا